وعام يعدىبقلمى محمد عنانى


وعام يعدى
بقلمى محمد عنانى
والعام يعدى زى غيره وفات
وكل واحد مننا وليه حكايات
فيه اللى كانت بدمعة الآهات
وثوانى بتعدى بطول ساعات
وبقسوة الآلام بحُضن سُكَات
أو حكاية أمل وعمره ما مات
لصاحبه عايش يادوب بفتات
حلمه سعاده بُكره لو لحظات
أواللى عايش فى تبات ونبات
يقوم على فَرحه وعليها يبات
فى الآخرتتحسب كلها أوقات
والعام يعدى زى غيره مافات
وغيره جاى الجديد علينا يطل
زى القمر فى بدايته ولما يهل
يارب والأمنيه كل العقد تنحل
والفرحه فى قلوبنا تكون للكل
وسلام على الدنيا يارب يحل
وينعدل وياه اللى مال وإختل
وفيه كمان الدوا للى بهم إعتل
وهدايه للى شرد منا وللى ضَل
أحدث أقدم

إعلان أدسنس أول الموضوع

إعلان أدسنس أخر الموضوع