إنتم ليه مابتشوفوش تعبنا وارهاقنا ..اللي بيسبق انجازنا ونجاحنا..


إنتم ليه مابتشوفوش تعبنا وارهاقنا  ..
اللي بيسبق انجازنا ونجاحنا..⁉️
إنتم ليه عينيكم  مفنجلة ومركزة بس ...
على لحظات التتويج والبَرْوَزَه وقطف الثمار...⁉️
اه.... لو تعرفوا تعبنا قد ايه ..
لحد ماوصلنا للي احنا فيه دلوقتي 
ولو كنتم تعرفوا ده ماكنتوش حسدتونا ..
واستكترتوا علينا نجاحنا...
هذه ظاهرة غريبة لا نجدها إلا في المجتمعات المتخلفة فقط..
حيث تجد الناس يحكمون على بعضهم من خلال النتائج..
والنهايات فقط ولا يأخذون بعين الاعتبار اطلاقا المقدمات..
ولا البدايات التي تسبق تلك النتائج والانجازات.
مثال...شوف فلانه بقت دكتوره وحصلت على الدكتوراه..
طيب..حضراتكم شوفتم التعب والارهاق والضنك ..
على كل المستويات الأسرية والمادية والانفعالية...الخ
اللي عاشته فلانه دي علشان توصل للمرحلة دي.... لأ..بالقطع.
شوف فلان ساكن فين وعنده شقة تمليك وعربية على الزيرو..
طيب شوفتم مرارة الغربة والاغتراب لما كان فلان ده..
بيشتغل خارج بلده علشان يجيب قرشين يشتري بيهم شقته وعربيته لأ..بالقطع.
شوفتم ولادها واقفين في ضهر امهم ازاي مش زي اولادنا.
طيب..شوفتم المرار الطافح اللي شربته امهم في تربيتهم ..
بعد وفاة ابوهم وهم لسه صغيرين ورفضت تتجوز ..
علشان تتفرغ لتربيتهم...شوفتم رحلة معاناتها وهى بتشتغل..
وبتتعب علشان تهتم بدراستهم وتعليمهم...لأ..بالقطع.
خدوا من الأمثلة دي كتير قوووي..
الناس مالهاش غير المظاهر أما الأسباب اللي خلقت المظاهر دي..
فالموضوع ده محتاج دماغ تفكر وعقل يشتغل..
ولا أعتقد أن أساليب تنشئتنا الأسرية ولا لغة خطاباتنا ..
التربوية والدينية تؤهلنا لإعمال العقل في تدبر أسباب الأمراض
على كافة المستويات لأننا مشغولون للنخاع ..
برصد وتسجيل وتفسير وصناعة وترويج وبيع التفاهات فقط...
صباحكم جميل
مجردخاطره 
ا.د.فتحي الشرقاوي
 أستاذ علم النفس بجامعة عين شمس
أحدث أقدم

إعلان أدسنس أول الموضوع

إعلان أدسنس أخر الموضوع