عروس النيل
**********
بقلمي/ السيد عطاالله
زعلان منك لكن مسامح
مطحون ف الحياة بقاوح
إبن بار مش إرهابي كالح
بحب طبعك ويا الملامح
حبي لك اكبر برهان
قلبي بالحب مليان
حبك في الوجدان
ميزان الحب راجح
يا عروس النيل
لاكتبلك مواويل
نوريلي القناديل
رمشك ليا ذابح
علمتيني إزاي أحب
جميله وأطيب قلب
ديم لي نعمتها يارب
أنا في بستانها سارح
أنا بكل شطاره
حبيتها بجداره
يا أحلى تجاره
فيها أنا رابح
مصر يام الضفاير
في ليلك أنا حاير
حبيبتي لو تشاور
ألبي بدون مصالح
تكويني الأسعار
الفقر مذله ونار
لكن رافع الشعار
رغم المر و المالح
تحني عليه أو تقسي
وياك مطرح مترسي
بلدي أغلى من نفسي
نفسي للنجوم تناطح
كلمات السيد عطاالله.