شد حيلك يا طيبةل.......محمود الدخميسي


شد حيلك يا طيبة
ل.......محمود الدخميسي 

سالمة يا سلامه تسلمي
زرعوكي ورد. والطرح بصل
كان زير بيسندوه بالخشب
وخيش مغطي القلل
وإرادة. أقوي من الملل

ليه خليتهم يحلمو
والحلم علي الرصيف 
غطوه بالورق

سالمة يا سلامه تسلمي
إحنا من الألم   تهنا في العدد

فيهم إللي حكايته تتحكي
وفيهم إللي عاوز يتسند
حتي علي عود حطب

فيهم إللي عاوز يعمل فرح
وفيهم إللي زهق من قعدة المصطبه
فيه ايه يام الليالي منورة
إيه إللي حصل
ايه إللي حصل
مين فينا عاجبه إللي حصل

صعب الانتحار بالرضا
مدفوع الثمن
 عاملتي كدا ليه يا طيبه
وخلتيهم طابور علي الأرصفة
يبعوكي من غير ثمن

ادي القلم والمسطره
يامرة. ومسكره
ارسمي يمكن تعجبنا رسمتك
نرجع نبوس تراب جزمتك
ونفتح بيبان المنضره
  وننسي أيام المنظرة
لما ندوق.  طعم حضنك ياكبره

صحيح بحبك
بس اللي شوفته
أحلام ولادك علي الأرصفة
مغطينها بالورق
 احترت فيها.   مابقتش عارف
إنها دموع ولا عرق
شد حيلك يا طيبة
وشوفنا حل في المسألة


أحدث أقدم

إعلان أدسنس أول الموضوع

إعلان أدسنس أخر الموضوع