« سنيني العجاف»
انا مش عايذ اعيش في شاليه علي البحر....
ولا اسكن في فيله علي شط النهر...
انا نفسي احس بالامان ومن غير ما اعيش مأسي وذل وقهر...
ومن غير ما أمد أيدي
لمية ايد واوعدها بآخر الشهر...
عايذ اعيش من غير ما اخاف...
احس بادميتي
وترجعلي كرامتي وكرامت رغيف عيشي الحاف...
عايذ اعرف عدد لسنيني العجاف...
مش كل يوم....
اصحي علي هموم بالكوم...
وحمول بتذيد ولا ليها كتاف...
وحدي انا في الدنيا بعافر....
وامالي كل ما اقرب منها بتبعد عني وتسافر....
وكل شئ حوليه اتغير ويحير
والدنيا بقت ماشيه خلف خلاف....
احلامي بسيطة....
وديما ماشي تحت الحيطه...
بس هي الدنيا كدا
ما بتجيش غير علي الغلبان والخواف...
احمد ماهر ابو نورا
شاعر الصعيد