على باب الله**********كلمات/ السيد عطاالله



على باب الله
**********
كلمات/ السيد عطاالله

الصبحيه بدري
ع رزقي اجري
راضي  بقدري
يارب  تغمدني

أحضن النسمه
و الصحه نعمه
تكفيني لو لقمه
الرضا يسعدني

شقايا و كدي
من زمن جدي
عمري هايعدي
السعد معاندني

هاسعى و أكابد
ع رزقي أجاهد
يارب أنا لك عابد
ليه الحزن زودني

مش عاوز أناطح  سحاب
ولا عاوز أجري ورا سراب
عاوز يادوب للستر أسباب 
الله يسامح  فقر  بيكيدني 

أنا طالب الستر م الفضايح 
ف ملكوتك يارب أنا سايح
على باب الله أغني مدايح 
يكفيني شر ظالم يستعبدني

                              كلمات السيد عطاالله.

أحدث أقدم

إعلان أدسنس أول الموضوع

إعلان أدسنس أخر الموضوع