"غير متاح"
✍️ سناء العاجز.
قسوتك عملت شرخ كبير جوايا كسرت كل حاجة حلوة كنت مخبياها ليك بين الضلوع
كدبت نفسى كتير بررت ليك حجات كتير يمكن يكون ،وأصل يعنى ، ومش معقول ،
لكن القلب لما بيوصل لمرحلة الشك ده وإنك تكون متأكد إن حد خد مكانك وطبعا مش بيجي الشك من فراغ لا ده نتيجة حجات كتير بتظهر أدامك وتفضل تقارن أولها الإهمال وكل حاحة تصبح عادى فتور فى العلاقات اشوفك زى ماشفكيش عادى
بتقارنى لهفته عليكى وعلى سماع صوتك ولا على حرصه على مقابلتك كل ده راح إنتهي وتبدأ بقا ال مبررات مشغول، مهموم، عندى مشاكل، متعرفش ان الوقت ده أهم وأنسب وقت تكون بالقرب من الناس الى بتحبها وإن كلمة حب بتضيع تعب سنين
الحب ده مش أمر وقتي لما تكون فاضي تتكلم كلمتين والغلبانة تصدقهم وتفرح بيهم ويبقى الوضع
على ماهو عليه تقطع صلتك بيها وتسيبها محتارة
وتقول ياترى انا غلطت فى ايه ياترى هو مريض
يا ترى فيه ايه انا زعلته فى حاجة وإنت عايش حياتك بمرها وحلوها بعيد عنها ومش فى دماغك
تتصل بيك متردش يبقي لازم تشك فيك طب هتعمل ايه ماهو إنت السبب
و لماحضرتك تفضى او تزهق من كتر اتصالها وإنت غير متاح
واخيرا رد عليها قلبها يفرح ُيرقص، إفتكرنى أخيرا بعد هجر وخصام من غير سبب وبعدها يرجع زى ماكان مفيش كلام مفيش سؤال
لكن هي بتراجع نفسها انا مظلومة معملتش حاجه لكل ده تعاتبة يقول لها مكنتش فاضي
كلمة بتدبح قلبها طب ليه ما هى الى عملت كده فى نفسها رمت نفسها عليه فهمته انه كل حياتها وده فعلا
إمتلكها وإمتلك قلبها فزهق منها وشاف واحدة تانية لأن البدايات بتكون حلوة مش هتلحق تسأله إنت كنت فين ولا مش بترد لية ولا مقلتش ليا ليه ولا بصيت لمين ولا كلمت مين الكلام العبيط بتاع الغيرة
الى بتحرقك قبل منة وتخلبكى دبلانة وقلبك موجوع
ونصيحتى لكل فتاة بلاش العواطف الزيادة
بلاش تبقى مستباحة ومتاحة قلبك فى غنى عن كل كسر يمرضه ويضعفه وكل كلمة تجرح مشاعرك مع ناس مبتقدرش
من كتاب أنين قلم... سناء العاجز