موج البحر********كلمات/ السيد عطاالله.



موج البحر
********
كلمات/ السيد عطاالله

يا بحر يا ابو الموج عالي
غضبان و غضبك يحلالي
ناسيني مع أنك على بالي
موجك عفي يهد  الصخر

كل شويه تعمل حالات
بحبك بدون  اشتغالات
لموجك  بقلبي  علامات
جمالك فعله أمر م السحر

هواك يداوي القلوب
ميزاتك هيه العيوب
تتوه جواك  الدروب
متاهه أنت و لا بحر

ف السما حره الطيور
في هواك بلبل مأسور
بيغني بجناح  مكسور
عاشق هواك أبد و دهر

أنا بقيت مثل السمك
تيجي موجه تسحبك
أو ييجي صياد بشبك
ترقص بشبكه م القهر

عطشان و أنا في الميه 
اسقيني من قلبك حنيه
أنا عاشق جمال  حوريه
دفعت لها كل عمري مهر

بنام واحلم بطيفك
يكويني حر صيفك
حرمان الشتا سيفك
ليلي يعدي كأنه شهر

                                       كلمات السيد عطاالله.


أحدث أقدم

إعلان أدسنس أول الموضوع

إعلان أدسنس أخر الموضوع