ليه تبكي يا عين*************بقلمي/ السيد عطاالله٠



ليه تبكي يا عين
*************
بقلمي/ السيد عطاالله
 
ليه تبكي يا عين
                     على بخت مايل

أنا قلبي حزين
                     من الهموم شايل

الناس الغدارين
                    عملوا فينا عمايل

ما يهمهم أنين
                  ولا صحبه وزمايل

باعونا واحنا شاريين
                  ربنا يعديها جمايل

ليه تبكي ع الخاينين
                    ياما ورونا هوايل

خلوني دايما حزين
                     أنا والحزن عدايل

دموع ويا الأنين
                   روت حقول غلايل

طرحت زرع شين
                سنابل مر مالها بدايل

أنا الأرض والطين
                    شهم لو دمي سايل

يارب وحدك معين
                    بحلم ومش طايل

مستني الفجر سنين
                      والليل أكيد زايل

                              كلمات السيد عطاالله ٠

أحدث أقدم

إعلان أدسنس أول الموضوع

إعلان أدسنس أخر الموضوع