فين نلاقيها


بقلمى محمد عنانى
عارفينها راحة البال
أغلى ياناس م المال
وفين نلاقيها
مهما تسوء الاحوال
وكمان تزيد الاحمال
إتمسكوا بيها
بالصبر حتى إن طال
لو صار كصبر جمال
هو العلاج فيها
لو صحه كانت عال
مع عقل قوى شغال
نقدر نمشيها
لو رزق كان بحلال
مع ستر موش بطال
وآمال نعيش ليها
نعمه ومن غير جدال
من صاحب الأفضال
ربك بيعطيها
وكمان رضاه دا منال
نرجوه وراحة البال
ونفوسنا يهديها
أحدث أقدم

إعلان أدسنس أول الموضوع

إعلان أدسنس أخر الموضوع