وطني


يا زهور عم تكبر على الطرقات
يا بيوت عم تحكي لنا حكايات
أنا بأرضك نور
لحن ونغم عصفور
وردات فوق السور
يا وطني
................
تاريخ عم يحكي لهالأجيال
كيف انبنى بسواعد الأبطال
وبهمة الملايين
ومن أول التكوين
ونضال عبر سنين
يا وطني
................
يا جبال فوق الراس مرفوعة
ورايات فوق تلال مزروعة
أهل وأحبا ودور
وجبال فوقا نسور
وروايح المنتور
يا وطني
..................
يا زهور حلوة بتضوي بالشرفات
وبنات نجود مزينة الطرقات
قلبي إلك مرسال
لحن ونغم موال
يا وردة فوق الشال
يا وطني
................
يا شمس بتشرق فوقنا بالدار
وجباه سمرا مكللة بالغار
يا حجار من بلور
وتلال كلا زهور
متل الصبايا الحور
يا وطني
.................
إنت الأحبة ولمة الخلان
إنت الأمل يا زينة البلدان
دفء وهنا وحنان
يا جنة الإنسان
يا تراب من مرجان
يا وطني
.......................................
ملك محمود الأصفر
أحدث أقدم

إعلان أدسنس أول الموضوع

إعلان أدسنس أخر الموضوع