بقلمي/ السيد عطاالله
اكتم همومك جواك
لا تبوح ولا تتكلم
إللي خلقك ما ينساك
اياك للحزن تسلم
رجليك لو مش شيلاك
وقلبك م الحزن بيتألم
الحزن ف يوم لو جاك
إياك عليك يأثر ويعلم
دنيتك مش مطوعاك
أنت بس بالذكر تمتم
لأن الحزن لو عماك
لما تفوق أكيد تندم
كلنا مبالي زي بلاك
لا بنسب ولا بنشتم
غاية وكل ما هناك
للذكر ما بنتلعثم
شيل جبال صبر وياك
اشرب و تجرع العلقم
لو يسمع عدوك شكواك
تكون لأحقاده بلسم
حبيبك لو تشكي له بلواك
لا هيأخر ولا هيقدم
اشتكي بس لمن نشاك
يعينك وحده ويدعم
اللي مكتوب لك يستناك
قابله بالرضا وكمان تبسم
كلمات السيد عطاالله