يقال إن المؤلف ( أسامة أنور عكاشة ) كان ليه فلسفة خاصة في اختيار اسامي الممثلين وفقا لطبيعة شخصيتهم في الاحداث الدرامية داخل العمل الفني ولم يتم اختيار الاسماء عشوائي....


كتب.ابراهيم عطالله
▪︎ لو ركزنا علي الاسامي هــنلاقي الفنان نور الشريف اسمه (حسن عز الرجال) وهو فعلا حسن وعز الرجال و افضلهم طبقا لاحداث الفيلم ... 

▪︎ الفنان ممدوح عبد العليم ظابط المباحث اسمه (يوسف كامل) رمزا لقصة سيدنا يوسف و التشابه في اكتشاف الحقيقة بعد وقت طويل لان الظابط طبقا لاحداث الفيلم هيكون فالأول تايه عن الحقيقة وبعدين هيكتشفها و اسم ابوه كامل لوقوفه فالنهاية مع الحق ...

▪︎ اما كل عيلة الغريب فأسمها امتداد طبيعي لشيخ مدينة السويس واللي بيحتل فيها مقام الغريب مكانة عالية ... 

▪︎ اما الفنان شوقي شامخ الظابط ( كمال) و الفنان احمد خليل العميد (عدلي) فأسمائهم رمز للظباط الشرفاء اللي مش بيفرطو فالحق وبينفذو عملهم علي (أكمل) وجه وبيحكمو (بالعدل)... 

▪︎ اما الفنانة علا رامي الظابط (ألهام) فهي اللي ألهمت الظابط يوسف بدور زوجة عز الرجال فالقضية...

▪︎ اما الفنان عبد الله حفني (عبد الستار) فا دوره كان بيستر علي كل اللي بيشوفه عيب ومشكلة تخص عيلته ...

▪︎اما الفنانة سلوي خطاب (رضا) فهي كانت بالفعل الرضا الوحيد في حياة حسن عز الرجال بعد خروجه من السجـ ن وكانت راضية بيه لحد النهاية 

▪︎ حتي اسم الفنانة عزيزة راشد فالفيلم (شفاعات) في دور القـ وادة صاحبة اللوكاندة اقتباسا لاسم تحية كاريوكا ففيلم شباب امرأة لتشابهم في طبيعة الشخصية الملتوية سواء قـ وادة او صائـ دة رجال

وسبحان الله المشهد اللي فالصورة ده منتشر جدا لأن الاربع ابطال توفو الي رحمة الله بنفس ترتيب وقفتهم من جهة اليمين فالصورة : شوقي شامخ ٢٠٠٩ - معالي زايد ٢٠١٤ - نور الشريف ٢٠١٥ - واخيرا ممدوح عبد العليم ٢٠١٦ - الله يرحمهم جميعا 

فيلم كتيبة الاعدام 1989
قصة وسيناريو وحوار أسامة أنور عكاشة | اخراج عاطف الطيب 
فيلم عظيم و قصته روعة
أحدث أقدم

إعلان أدسنس أول الموضوع

إعلان أدسنس أخر الموضوع