زمن العجايب***********بقلمي/ السيد عطالله



زمن العجايب
***********
بقلمي/ السيد عطاالله

زمن شوفنا فيه كل العجايب
         الصقر زي الفراخ عايش اسير

زمن علينا تتوالى المصايب
           حمار بقى له جناحين بيطير

مدد مدد مولد صاحبه غايب
            جاهل بقى مغني عبر الاثير

شوفت في ايده شهاده جايب
          دكتوراه أي والله يا عم زهير

تاجر اصابه من الجشع جانب
         يحتكر سلع بقى شهبندر كبير

أصلنا سبنا حبلهم ع الغارب
              و تمحى من قلوبهم الخير

ارهابي من العداله اهو هارب
             على الأمن بقى ندل خطير

اعلامي بدل الإيجابيه سالب
        يزيد من حياتنا على المر مرير

حرامي إلى العلا يطالب
               للشر شوفناه احلى سفير

برلماني يوزع على الأقارب
               كأنه عادل وبالعدل جدير

مدرس أول شاطر وناجب
          بالمدرسه ما ينفذ أوامر وزير

لاعب كوره والطمع غالب
                 ما شالله أصبح مليونير

تاجر مخدرات أصله خايب
                 أفسد عقول شباب كتير

رجل اعمال ورانا الغرايب
              و لمهرجانات العرايا مدير

فنان في المهرجانات ضارب
            بالملايين تشاهده الجماهير

والاسعار لها أكبر نايب
                   شغلت الناس بالتفكير 

إحنا شوفنا ياما معايب
              نستاهل لأننا قتلنا الضمير

خلاصة القول أنا بطالب
                ننمي بأنفسنا بذور الخير

                              كلمات السيد عطاالله

أحدث أقدم

إعلان أدسنس أول الموضوع

إعلان أدسنس أخر الموضوع