نصيحة.....................................مين اللي قلك تترك الأوطان


نصيحة
.....................................
مين اللي قلك تترك الأوطان
تسافر لبرا تروح ما ترجع
مين اللي قلك تترك الخلان
تقعد بغربة فيها تتوجع
مين الدها بعقلك يا إبن الناس
غطى عيونك ما بقى تقشع
إرجع يا إبني وعود للأوطان
حاجة بقى لعيون عم تدمع
..................
إزرع يا إبني الحبق والنسرين
والشوك كلو من الأرض إقلع
خلي السنونو يجي يعشش فيه
وسنابل خضرا بأرضنا تطلع
خلي المحبة تزيد تكبر فيه 
والفرح عنا يعمر ويولع
هيدا بلدنا الخير كلو فيه
ترابو دهب من خيرو رح نشبع
......................
حب الوطن شعبة من الإيمان
وبغير أرضك ما بتتمتع
تراب الوطن أغلى من المرجان
خدها نصيحة يا حلو وإسمع
المالو وطن مالو كرامة منوب
وكرمال أرضو رواحنا مندفع
حاجة بقى غربة وشقا وتعذيب
هيدا وطنا وشملنا بيجمع
.......................................
ملك محمود الأصفر
أحدث أقدم

إعلان أدسنس أول الموضوع

إعلان أدسنس أخر الموضوع