مشكلة_جيل_افتقد_القدوه_الصالحه_وتربى_على
بقلم ابراهيم عطالله
الجيل ده اللى نشأ على أغنية ..
(مفيش صاحب بيتصاحب ومفيش راجل بقى راجل)!!!
الجيل ده نشأ على فيلم بيتقال فيه ..
علنًا كده بين اتنين ستات
(مالك يامره لو تعبانه خديلك نص أحمر)!!!
الجيل ده نشأ على ..
(إعلان بيتعرض فى نص الفيلم على التلفزيون
عن تطويل وتكبير وتضخيم)!!!
الجيل ده نشأ على مسلسلات بتتعرض في نهار رمضان فيها (رقص ومخدرات وخمره ودعاره )!!!
الجيل ده نشأ وقدوته ..
(إبراهيم الأبيض وعبده موته والألماني ورفاعه الدسوقي) ومحمد رمضان عمومًا!!!
الجيل ده نشأ على ..
(حمو بيكا ومجدي شطه وحسن شاكوش وعمر كمال)
وشافوا الناس دي هي ال معاها فلوس
ودكاتره ممكن يكونوا بيشتغلوا في أوبر
عشان يعرفوا يعيشوا!!!
الجيل ده نشأ على احتفال فيه (محافظ بيكرم رقاصه) ونادي رياضي بيعتبر رقاصه أم مثاليه!!!
الجيل ده نشأ على ..
(برامج بتستضيف شوية عيال متسولين وسرسجيه عملوا مهرجان شعبى منحط فى الوقت اللى حملة الماجستير يلهثون لا أحد يسمع لهم)!!!
الجيل ده نشأ على ..
(مهرجان بيتقال فيه :
أمك صاحبتي وأختك بترقص على مطوتي)!!!
الجيل ده نشأ على ..
(إن حمدي الوزير قدوة المُتحرشين
وصاحب أشهر نظرة مُتحرش ومُغتصب في مصر)!!!
الجيل ده نشأ على نصيحة ..
(ممثله بمشاهدة أفلام إباحيه وممثل بيطالب بإتساع المشاهد الإباحيه على التليفزيون المصرى)!!!
الجيل ده نشأ على ..
(دكتوراه فخرية ل محمد رمضان) ...
منتظر ايه من جيل بالشكل ده والبيئه دي ؟؟!!!
هل ده جيل يقدر يشتغل وينتج
ويفيد بلده في أي مجال ؟؟!!
الجيل ال بالمنظر ده لما يتجوز ويخلف
هتبقى المحصله إيه ؟؟!
لو من كام سنه ورا كان مستحيل اتجرأ وأكتب كلام بالقذاره دى لكن الواقع بقى أقذر وأوسخ و الإسفاف والتفاهه والمستنقعات دى بيتصرف عليها ملايين في الأفلام
بحجة إنها واقع ولازم يتغير للأسف إحنا وصلنا
لمرحلة ماتحت القاع ولازلنا مستمرين في الحفر !!
الكلام ده معناه إن في أزمه حقيقيه
بيعيشها وهيعيشها المجتمع السنين ال جايه!!!
لأن الجيل الحالي بالوضع ده مش هيبنى وطن
ولا هيشيل مسئوليه!!
والحل
١- دعوه حقيقيه إلى الله في كل مكان
٢- إراده حقيقيه في إصلاح المجتمع من كل مسئول
٣- وقف ماسورة الهباب اللي بيطفح على الأجيال الحاليه
٤- زرع قيمة القدوات الصالحة في نفوس وعقول الشباب..
👌👌
الخلاصه
مشكلتنا فى مصر ليست مشكله اقتصاديه مشكلتنا وازمتنا فى افتقاد الأخلاق والقيم والقدوه الحسنه