نافق ترافق



بقلمي/ السيد عطاالله

يلا فرفط حروف الكلام
واوزن همساتك بانسجام
حبنا النهارده يساوي كام 
لو صادق تتحاكم باعدام 

كل حاجه النهارده تتوزن
دا حتى اللي يحبك بتمن
الناس في السر غير العلن
صعب تفرق طيبين من لئام

ذوق كلامك بالنغمات
و يلحنوها في أغنيات
نافق تعيش  في  تبات
لو تقول الحق تبقى ملام

عاوزينك للست تقول حاضر
هاتتشهر بس مغيب المشاعر
لو تقولك شمال نفذ يا شاطر
أهم حاجه انك تنافق المدام

لو  بس  بتفك  الخط
هتبقى اعلامي وخط
تعيش سعيد مزقطط
تلاقي الكل لك خدام

عاوزينك ترقص تطبل
ولو يتقال عليك  اهبل
حافظ على منصبك كمل
التطبيل ما يلزمه علام

هيدوك دكتوراه فخريه
في  الهجص و الملاغيه
تبقي سفير ثقافة فكريه
و كرنيه بأنك سفير سلام

المؤهلات   شوية  نفاق
وعامل للضمير  إختراق
تسكن مدينه بعد  زقاق
وتحج ما يلزمك احرام

وعجبي
أحدث أقدم

إعلان أدسنس أول الموضوع

إعلان أدسنس أخر الموضوع