بقلم الشاعر محمود السعيد عبد الهادي: بورسعيد
عايشين بقالنا سنين وسنين
علي حالنا مابقناش خلاص قادرين
وحياتنا علي طول كده قلابه
وحنشكي همومنا لمين
لاعرفنا علي فين رايحين
ولاحتي منين جايين
وحالنا علي طول كده في النازل
تعبنا صراخ وأنين
لا في يوم مشينا شمال
ولا حلمنا بالملايين
وتملي دموعنا كده نازله
من العين علي الخدين
في حياتنا كتير عايشين
من حرام وحلال أكلين
وفيلالا وأبراج ساكنين
وفساد طالعين نازلين
في مصالح أكيد سالكين
برشاوي وغيرها كتير
مدام الأسلوب كده شغال
حنشتكي بس لمين
كان نفسي يكون في سامعين
عايشين فاهمين حاسين
علي باب الرجا واقفين
داعين بدمع العين
لطريق واضح ومبين
يحفظنا رب الكون
ويسترنا دنيا ودين