ماتخليش حد ياكلك بالكلام.


ماتخليش حد ياكلك بالكلام...
في حد في حياتك بيبقى الغلط راكبه من راسه لرجليه..
ويدخل فيك بالكلام لدرجة انك بتبقى مش عارف تعمل إيه
وياريت كده وبس ده ممكن يطلعك كمان انت اللي غلطان.
انا عاوزك لما تقابل الشخصية الجعجاعة دي ...
تسيبه يتكلم براحته وماتقاطعهوش واوعى ترد عليه ..
في كل حاجه بيقولها،وما تاخودش منه موقف الدفاع عن نفسك لأن كل امنيته إنه يحطك تحت الضغط بالكلام، 
كل ما دافعت اكتر كل ما اعطيته فرصة للهجوم عليك اكتر ...
عاوزك تسيبه يبرطم بالكلام من غير ماتقاطعه ..
وبعد مايجيب اخره خالص ارسم ابتسامه باهته على وشك وبعدين تقول له إنت فاكر كده إني خفت وكشيت منك...
انا ممكن اعمل لك نفس الشويتين دول معاك
لكن انا بحب الافعال مش الأقوال..  
بس ماتزعلش وترجع تتقمص لما تلاقيني عملت حاجه تضايقك وعلى فكرة انا عندي كتير وكتير...
إن استخدامك لأسلوب التهديد المستتر المصحوب بالهدوء ..
قد يكون له مفعول السحر في إيقاف هجومه المستمرعليك
ويخليه يخاف منك لاعتقاده بأنك ممكن تؤذيه وتضره 
ويعملك بعد كده الف حساب وهو بيتكلم معاك..
وياريت تذكره وتفكره بموقف سابق بينه وبينك ..
يكون اتقرص فيه منك علشان يعرف انك ممكن توجعه...
#بالهدوء #والثقة بالنفس تغلب الصوت العالي.
علم النفس علم للحياة 💚⚘.
مجردخاطره
 ا.د.فتحي الشرقاوي 
أستاذ علم النفس بجامعة عين شمس



أحدث أقدم

إعلان أدسنس أول الموضوع

إعلان أدسنس أخر الموضوع