بقلمي/السيد عطاالله
اشتري مني يا هانم
اشتري مني يا بيه
يجعلك ربي غانم
أي حاجه بجنيه
خد لك يا عم سالم
شوية ضمير انما ايه
أما انتي يا هانم
خدي حياء سواريه
اشتروا احترام لعالم
يعادل مغني يساويه
من يشتري مظالم
واخ بياكل بأخيه
من يشتري ظالم
ظلمه بكره مستنيه
معايا شوية مكارم
تساوي مليون جنيه
بلاش تقول وارم
شوف هتشتري إيه
خد لك حزن عارم
أو زي ما تسميه
ابدا مش هتبقى نادم
أديلك اللي تقول عليه
لو تختار طمع عفارم
تجمع به مال تلاقيه
اشتري شوية حسد
ما تدفع فلوس فيه
قلت ايه بهذا الصدد
خد كدب وهادي بيه
أو شوية غش ونكد
ونفاق ما تفهم معانيه
اوكازيون قبل نفاذ العدد
مش قلت لي عاوز ايه