ضحك السهر.....شوفت القمر




ضحك السهر
..................................
شفت القمر واقف مع النجمات
وطعم الفرح أحلى من السكر
وعالشط عنا ولعت الدبكات
زاد المرح عا شطنا الأسمر
وبلحظة حلوة تقابلوا الأحباب
وصار الهوى بيناتهم يكبر
ضحك السهر وتغامزت لعيون
ونزل القمر بيناتهم يسهر
..................
طل الورد مسى على الحلوين
أحلى التماسي بريحة العنبر
والفل نور غطى عالنسرين
خلا الأحبة بريحتو تسكر
وقال القمر للنجمة يخزي العين
شو هالجمال بيسبي وبيسحر
عالشط نزلوا يرقصوا لتنين
وشفت العيون تألقت أكتر
.................
وقفوا سوى وتشابكت لكفوف
عينا بعينو والوجه نور
وارتسمت البسمة على العينين
والنظرة حلوة سهامها خنجر
غنى الهوى رندح رنين العود
وورد المحبة عالغصن أزهر
عالغيمة وصلوا وغردت لقلوب
ملوا الدني زهور وورد أحمر
.....................................
ملك محمود الأصفر




أحدث أقدم

إعلان أدسنس أول الموضوع

إعلان أدسنس أخر الموضوع