قلبك اسودبقلم: صبرين محمد الحاوي/مصر


قلبك اسود
بقلم:
      صبرين محمد الحاوي/مصر

بسرعه قدرت تنساااني
يابو قلب اسود يأناني
وتقولي حبيت من جديد

وبقالك يعني حبيب تاني
خليتني اندم علي حبي ليك
بعد اما كانت روحي فيك
وماكانش لك
في قلبي شريك

دلوقتي حبي واحساسي بيك
هم السبب في احزاني
ماتستهلش اني اعاتبك
اواني افكر في حبك
واللي كسرني
قسوة قلبك

من بعد ماكنت بتترجاني
إني احبك

وتقول يتعذب من حبك
وارحمني بقي وحنن قلبك

وكانت لعبتك
 طب شيل ذنبك

كسر الخواطر 
مش بالساهل
انك تتسامح عليه
وكل دا كان ليه

وانا لو هموت عمري مااسمحك
ولاهقدر انسي في يوم جرحك 
اللي في قلبي 
شيل يللاه ذنبي

وماتجيش وماتطلبش السماح
مين قال دا كان ماضي وراااح

بس الزمن بيني وبينك
وانا مش هسامحك وعيني في عينك
حفضل اقول الله يجازيك

ويجبلي حقي من قلبك
دمرت قلبي عشان حبك

ومن النهارده خلاص
لاهكرهك ولاهحبك
حسيب الزمن يكسر قلبك

والايام لما تغدر بك
حتفتكر مين اللي كان بيحبك
وجنيت عليه بقسوة
قلبك

بقلم:
     صبرين محمد الحاوي/مصر


أحدث أقدم

إعلان أدسنس أول الموضوع

إعلان أدسنس أخر الموضوع