الناس أصناف***********بقلمي/ السيد عطاالله مؤسس. اهرامات الشرق المصرية للصحافة والاعلام



الناس أصناف
***********
بقلمي/ السيد عطاالله

تعلمنا علي قد ما عشنا 
                          ولسه ياما نشوف

ناس زي الكتب للغبار
                      تتركن على الرفوف

وناس مش ناس احترامهم
                          بس نفاق وخوف

وناس بتنافق تشوفهم
                      يصلوا بأول صفوف

وناس مهمه أصلهم غمه 
                  لو تقرب تلاقيه خروف

وناس تمشيها ست
                    سيادته عجل معلوف

وناس حساله بقناع رجاله
                       ما عنده مخ حلوف 

وناس تتكتب بمية دهب 
                      اعمالها تزين حروف

وناس مش ينظفهم
                          لا مية نار ولا لوف

وناس قنعانه وشبعانه 
                        لأن رازقهم معروف

وناس ما يشبعوا لو عندهم 
                    م المال ملايين وألوف

وناس عديمة الإحساس 
                       ما يغيثوا ابدا ملهوف

وناس تنتقم من ناس
             وناس تسامح بكل الظروف 

وناس طبعها تميل للغدر
                 يطعنوا ظهرك بالسيوف
 
مش هو ده حالنا 
                   بدون تذويق و تزييف




أحدث أقدم

إعلان أدسنس أول الموضوع

إعلان أدسنس أخر الموضوع