حكاية البحر
**********
بقلمي/ السيد عطاالله
البحر عارف أسراري
بيقرا كل مره أفكاري
تضيق لا يمكن اداري
يا بحر لازم اشكي لك
يا بحر قل للحبيب
عليل و هو الطبيب
انا في حبه نجيب
إفرش يلا مناديلك
من زمان وأنا مشتاق
كفايه سهر والم فراق
قلبي داب من اشواق
لو تيجيني لاغني لك
أجمع خيوط الشمس
ألملم حروف و همس
أنا فارس بني عبس
وأنتي عبله أنادي لك
أنا والبحر اتنين
في الهوا دايبين
دبنا بنظرة عين
نور يلا قناديلك
يا بحر تسمح تعديني
عاوز أكمل نص ديني
من حبيبتى نور عيني
عديني و انا ادعي لك