بنت بلادي
********
بقلمي/ السيد عطاالله
جميله قوي بنت بلادي
لهطة قشطه و لا زبادي
سعديه و الدلع هنادي
لو تقابلني تفرح اعيادي
أصل جمالها ما هو عادي
أكتب شعر و هيه مدادي
حشمه من زمان اجدادي
حلوه بنت النيل والوادي
وفي الصعيد كل أمجادي
أحس فيها بعزتي وعنادي
في حيائها ميتي و زادي
شعرها ليل و نورها هادي
بسمتها ضي زي نهار نادي
صوتها بلبل مغرد و شادي
عيونها زي بدر عليه بنادي
هاكتب عليها ونكيد اعادي
تنور قلبي ف الشده عمادي
قمر يعوض وحدتي وبعادي
فلاحه مصريه وزمن ماضي
يغور زمن حفلات و نوادي