على السرايه

بقلمي/ السيد عطاالله

يلا ياد يا عوضين
نادي على حسنين
عزومه و عجلين
في سراية البيه

دا إبنه رجع من بلاد بره
وانت هنا لسه ف الجره
كلامه ما تفهمه بالمره
ما يعرف ألف ولا تيه

أما بنته اسم الله
فستانها ماشالله
تمنه بأردبين غله
بيقولوا سواريه

ولا مراته الهانم
بجمالها ربي عالم
وشها ماله معالم
قال بترقص باليه

يا عم واحنا مالنا
ناكل نملى بطونا
نكيد بقى عوزالنا
مش كده ولا إيه

يدوم عزكم يا بهاوات
خدامينكم ليوم الممات
يرحم زمنكم يا باشاوات
نهبوا البلد ما تسأل ليه
أحدث أقدم

إعلان أدسنس أول الموضوع

إعلان أدسنس أخر الموضوع