عاشق ترابها*********بقلمي/ السيد عطالله



عاشق ترابها
*********
بقلمي/ السيد عطاالله

مصر بكره  بينا  احلى
تحيا مصر يارب تحيا
لو هيه تحيا بيها نحيا
يمكن بكره تبقى احلى

مصر  بكره  بينا   احلى
تحيا مصر رجاله و نسوه
إيه ذنبها لو في بينا قسوه
يمكن  بكره  تبقى  احلى

مصر  بكره  بينا   احلى 
ناس تزعل لو فيها مدحنا
دا اللي  يجرحها  يجرحنا
يمكن  بكره  تبقى  احلى

مصر  بكره  بينا  احلى
اوعى تنساها في زحمه
مشاكلها  خضار و لحمه
يمكن بكره تبقى  احلى

مصر  بكره  بينا   احلى
عيش حياتك رخا و ازمه
بس لو ضيعتها تبقى نقمه
يمكن  بكره  تبقى   احلى

مصر بكره  بينا  احلى
لو تمشيها بملح و لقمه
الامان فينا  أعلى نعمه
يمكن بكره تبقى  احلى

مصر  بكره  بينا  احلى
تلبس بدله أو حتى عمه
المهم  يكون  عندك  ذمه
يمكن  بكره  تبقى  احلى

مصر بكره  بينا  احلى
قول و اهتف يلا  تحيا
ولو ضدنا خدلك ناحيه
بكره اكيد هتبقى احلى

بكره اكيد هتبقى احلى 
حبي  الاول و الاخير
بكره يكتر فيها الخير
مصر هتبقى بينا احلى

أحدث أقدم

إعلان أدسنس أول الموضوع

إعلان أدسنس أخر الموضوع