التسول******بقلمي/ السيد عطالله


التسول
******
بقلمي/ السيد عطاالله

التسول مهنة كل عاطل
يدعي أنه أعمى بالباطل
أو  حياته  كلها  مشاكل
مهنه بسيطه كلها  راحه

ولا  الحوجه  للقوى  العامله
مش محتاجه شهادة معامله
و لا أي  مؤهلات  من  الدوله
كل فنون  الكدب  فيها  مباحه

دخلها ما عليه أي ضرايب
يارب عقبال  كل  الحبايب
أكل العيش ما فيه  معايب
المجال مفتوح زي  الساحه

ناس تسرق وناس تتسول
نعيد كلامنا تاني من الاول
ناس مش عاوزينا  نتحول
همه سبب تأخرنا  بصراحه 

المتسول تديه حسنه بمزاجك
و الحرامي ياخد ويكسر بابك
فلوسك كده تضيع وفر عتابك
على إيه تبكي و تعملها  مناحه

أموالنا تتنهب من  أيام  الفراعنه
الفاسد ما يهمه شبعنا ولا جوعنا
قلنا كتير لكن يارب  حد  يسمعنا
تحيا مصر والأماني ممكنه متاحه

لازم نحارب الفساد
علشان تتقدم البلاد
و يتصلح حال العباد
و تسود بينا السماحه


أحدث أقدم

إعلان أدسنس أول الموضوع

إعلان أدسنس أخر الموضوع