الباميه شوكتني
*************
بقلمي/ السيد عطاالله
أنا من بلد الباميه إللي شوكت الحجه
بلد الإعلام إللي عمل هيصه وضجه
ما شالله الحجه خلت في البلد رجه
لازم تنال اوسكار لأحسن عقول ساذجه
يغنيك عن سؤال اللئيم حماره عرجه
بلد تعمل حدث من حاجه فارغه و فجه
نكرم الراقصات وأهل العلم م البلد هاجه
تقدر تقول عنها بلد خلطبيطه بالعجه
تصدق أعطوا الأم المثاليه للست نعجه
إللي في وسطها زمبلك يحرك المهجه
ودكتوراه فخريه لتافه وعلوا الدرجه
في التهريج شطار نتكلم بمائة لهجه
يلا حيوا الباميه دي أغلى من المانجا
كفايه أغنيه باسمها صنعت لنا البهجه