عصفور حزين***********بقلمي/ السيد عطاالله


عصفور حزين
***********
بقلمي/ السيد عطاالله

لو تقول شهادة زور
بأنك شوفت عصفور
بقفص سعيد مسرور
مين قالك بأنه سعيد

يمكن وجايز  تشوفه  يغني
لكنه مش سعيد ولا متهني
أنا من العصفور وهو  مني
محبوس ورا قضبان حديد 

كلمات محبوسه في جوايا
مش راضيه تعبر عن هوايا 
زعلانه مش عارفه الحكايه
ناويه على الحزن و التنهيد

الحريه فضا باتساع السما
وغلبنا من كبت  زي  العمى
كبر شجرك يا  حريه و نمى
كل أملي يأتي يوم الحصيد

أنا بكره  الى السما اطير
الطيور لما تشوفني تغير
من غير كدب أو اساطير
الحريه طعمها حلو  اكيد

بكره سبحانه يحاسب
الظالم و من  له  كاتب
ربنا امره نافذ  و غالب
الموت عنا ابدا مش بعيد
أحدث أقدم

إعلان أدسنس أول الموضوع

إعلان أدسنس أخر الموضوع