وإبن الأصول..بقلم محمد عنانى


وإبن الأصول
بقلمى محمد عنانى
إبن الأصول
نصيحه لها مدلول
صاحب إبن الأصول
علشان ماتندمشى
راجل معاك علطول
فى الفعل ولا القول
مخلص وما يخونشى
والمحنه لو حتطول
لوطولها فاق الحول
إيده فى إيديك يمشى
والخير معاه حتنول
بينكم وداد موصول
للعشره ما يخونشى
وقت الخصام مقبول
ولا حب بينكم يزول
وكمان ما يجرحشى
وإوعا تصاحب عويل
وعليه فى شَده تميل
فى مِحنه ما يشيلشى
العِشره مالها دليل
ومعاه تلاقى الويل
خاين وما يصونشى
فِكره النهار والليل
فى الحقد مالو مثيل
وغيره ماتشوفشى
ما تلاقى عنده بديل
سواد فى قلبه عليل
يكره وما يقولشى
وكلام أخير معقول
لما نِراعى الأصول
ومعاها ما نخافشى


أحدث أقدم

إعلان أدسنس أول الموضوع

إعلان أدسنس أخر الموضوع