وافترقنا بدون وداع..


بقلم ناديه صابر

وبقينا لازم نفترق. وخلص مابينا الكلام
دقات قلوبنا بتتحرق. وداب رمادها بالخصام
اتفرقت بيننا الطرق. وبعدنا حتى بدون سلام
هشتاق لكلام عينيك لما تنعس بين عينيا
هشتاق لحضن ايديك وانت بتضلل عليا
هشتاق لصرخه قلبك وان اسمع تاني نبضك
لما بتنام جفوني وانسى روحي بين ملامحك
جوا منك كنت عايشه. كنت ساكنه بروحي فيك
كنت بتسمين روحك كنت نورك بين عينيك
ياللي ساكن بين ضلوعي مستحيل يهجرني حبك
ياللي بين ملامحي وجروحي جوا قلبي بيدق قلبك
مستحيل انسى اللي بيننا. مستحيل ينساني عشقك
بس لازم البعاد. مش هينفع العناد
لازم انت تكون هناك. واقطع انا حبل الوداد
ويضيع غرامنا بدون سلام. ونفترق من غير ميعاد
من غير وداع. من غير دموع. بنبتعد وبدون رجوع
من غير سلام. وبدون كلام. ولا حضن يواسي الاوجاع
امشي في طريقك. وانا في طريقي. ماشيه وبدون شراع
كان حنانك هو دليلي في الطريق
ودقه قلبك كانت مصاحبه خطوتي
فاتني الطريق بدون صديق
يمسح دموعي ويانس وحدتي
لما تسرح خطاك في الطريق
افتكر اني سكنت خطوتك
اني كنت عايشه بحبك
اني كنت مالكه قلبك
اني كنت ساكنه بينك
بين عيونك بين ملامحك
اني....
اني....
اني...
اني مش هتحمل بعدك
اني مش هينساني عشقك
اني مش هيهجرني حضنك
اني هعيش عمري لحبك
اني
اني هعيش عمري احبك
أحدث أقدم

إعلان أدسنس أول الموضوع

إعلان أدسنس أخر الموضوع