بذور سعاده*********بقلمي/ السيد عطاالله

بذور سعاده
*********
بقلمي/ السيد عطاالله

مين يشتري مني بذور سعاده
تفرح الأولاد محسن وحماده
تفرفش سعديه وتسعد مياده
بذور تخلي حياتنا هنيه

بذور تشيل الإكتئاب
بذور الحب يا أحباب
تجيب الحب بلا أسباب
تشيل عنك هموم حياتيه

بذور تخفض لك الاسعار
تعاملك بالجنيه مش بالدولار 
بذور تنفع فاقوس وخيار
ترجع لك شباب وحيويه

بذور تعالج مشاكل التعليم
بذور تخلي غبي فاهم حكيم 
بذور  تخرج لنا طبيب سليم
تعالج كمان دروس خصوصيه 

بذور تخفض الفواتير
إشتري مني يا سمير
تدفع فلوس مش كتير
لفواتير الكهرباء والميه

بذور تحسن لنا الرغيف
تقوي أعصابك لو ضعيف
تحول الحرامي لنظيف
تكسبك كل يوم هديه

اشتري من غير ما تفكر
اكتم همومك بلاش تتكدر
حملك تقيل بس شيل تقدر
أنت واكل أردب فول وطعميه

بذور تقطع إيد حرامي
لا نافع معه يمني ولا شامي
ويطبل له فاسد وإعلامي
عاوزين نزيلهم من أنحاء الجمهوريه

بذور تشيل عنا فساد الذمم
لو زرعناها كنا فوزنا بكأس الأمم
بذور تحاكم مسؤولين لبسونا العمم
وخرجنا بفضيحه من كأس الانديه

بذور للفلاح تساعد
إللي بأرضه يجاهد
ادعموه مستقبلنا واعد
نعيش عيشه هنيه

أحدث أقدم

إعلان أدسنس أول الموضوع

إعلان أدسنس أخر الموضوع