زمان كان ياما كان***************بقلم/ السيد عطاالله. جريده اهرامات الشرق المصريه



زمان كان ياما كان
***************
بقلم/ السيد عطاالله

زمان كانت البيوت من طين
            والسقف كان جريد وقش

الإحترام بين الناس متين
                 وحبل الوداد مش هش

أخلاقنا راحت فين
 ماتت والدفنه عقب وصول النعش

فيه من يضحك لك وحقده دفين
          وقلبه أعوذ بالله مليان غش

زمان إللي يحبك تعرفه بالعين
     تحس بيه لما يقابلك وش بوش

نادر تلاقي راجل زين
           الحب والرضا سعه لو بعش

زمان الراجل كان أمين
                  وفي الغيط زي الونش

الست كانت مليانه حنيه
 تساوي مية راجل مش رغي ودش

وفي غيطها وبيتها قويه
       ترعى بقره وجاموسه وجحش

الناس بعيشتها كانت مرضيه
        أكلهم شوية سريس مع المش

حياتهم كانت بسيطه وطبيعيه
  الراجل كان صقر وفي بيته وحش

النهارده فيه ميكنه زراعيه
 البيوت دخلتها كهربا وشاشه ودش

ماكان فيه زمان مبيدات حشريه
     والحشرات بطرف جريده تتنش

الست كنا نقول عنها حرمه ووليه          النهارده الخواجه يقول طنط ووش

يا زمن زمن الإتيكيت والحريه
   يرحم اللمبة قبل الكهربا ما تخش

أنا مش ضد الحضاره الإنسانيه
               أنا ضد البذاءه والفحش





أحدث أقدم

إعلان أدسنس أول الموضوع

إعلان أدسنس أخر الموضوع