أنا شفت إللي مزمزق. بقلم سيد عطالله


أنا شفت إللي مزمزق. بقلم سيد عطالله
لو في شبر ميه يغرق 
يسب على البلد ويحرق
سيادة يمثل دور غلبان

يقول شفت كتير بلاوي
يتحكي فيها الحكاوي
طيب إطربنا يا مكاوي
شفت إيه ياعم إنسان

شفت ناس بتاكل م الزباله
شفت إللي ما يكفي عياله
شفت من الهم طلب وصاله
شفت الظلم على الإنسان

طيب انت مش شايف
إرهاب وخراب وتلايف
على أولادك مش خايف
ولا أنت تابع حقوق الإنسان

يعني مثلا نقوم نخربها
لأغراض عدو لنا لعبها
مش صح لو تحسبها
إحسبها صح أنت غلطان 

ملعون ابو هذا الكرسي
أنا لا سيسي ولا مرسي
أنا مصري وزي مترسي
أنا مش فلول ولا إخوان

البقاء لله والدوام
بكلمتين عن الإسلام
نبيع للناس أوهام
يعمل دارس لكل الأديان

كرهنا إبراهيم عيسى
وأديب وأحمد موسى
لاميس ومنى ننوسه
و الحسيني معهم كمان

صحيح عندنا أزمه
ناس مالهم بينا لازمه
وناس تدعي العظمه
كلهم سفراء شيطان

أنا مواطن عادي
على ربي اعتمادي
لسه بنقول يا هادي
مش يضحك علينا جبان

عقلك في راسك
اعرف فين خلاصك
حافظ على ناسك
من غير وطن أنت خسران

خليك في صف البلد
مصر أنجبت مليون ولد
إياك تكون مجرد عدد
تضيع لو ضيعت الأوطان
أحدث أقدم

إعلان أدسنس أول الموضوع

إعلان أدسنس أخر الموضوع