احياني حبك...كتبت ناديه صابر ..جريده اهرامات الشرق المصريه



احياني حبك

بقلم ناديه صابر

بعشقك!!
ياللي جيت بعد النهايه، بعد ما احساسي مات
ياللي جيتلي بالسلامه، و نبشت عني في الرفات
ياللي ليك وخداني روحي اللي صحيت م الممات
وحشتني،!!!!
كنت فين لما الزمان هجرني وخاصمني الأمان
كنت فين لما سينيني تعبت من قسوه الحرمان
كنت فين لما حنيني ليك كسرني والاشتياق كان بركان
قبل حبك!!
كنت عايشه جسد هربت وفارقته روحي
كنت عايشه نفس شائب هواه من جروحي
كنت خايفه على قلبي تمزقه الأمي بين ضلوعي
كنت بتلهف لضيك
كنت مستنيه طيفك
كنت بتلهف اشوفك
انا كنت فين قبل مااقابلك؟!!
ياللي طال شوقي إليك
دانا كنت تايهه قبل منك
كنت بتلفت عليك
وانا جانبك ::::
خدني إليك وعيش معايا ايامي عيد
دانا طفله لسه بتتولد يحيني حبك من جديد
علمني افرح وابتسم للدنيا والأمل السعيد
علمني اعشق كل شيء
علمني اشوف الكون بعينيك
علمني ازاي اتنفسك
وحنيني ليك يتنهدك
وغرامي يسكن مهجتك
وبحبي اسكن جوا منك
واعبر معاك كل الحدود
ياللي جوايا مكانك
مهما تبعد ٠٠٠٠٠ موجود
ياللي يرويني حنانك
وغرامي ليك عدا الحدود
ياللي وخداني عيونك
لبحر خالي من الشوط
بحلف بحبك اللي ملكني 
ودقات قلبي عليا شهود
انا من النهارده كلي ملكك
من النهارده اسمي حبيبتك
هاعيش بس علشان بحبك
وتسكن في قلبي واسكنك
ياللي ليك عمري هاعيشه
بعشقك
ناديه صابر

أحدث أقدم

إعلان أدسنس أول الموضوع

إعلان أدسنس أخر الموضوع