ماتودعنيش بقلم ناديه صابر

بقلم ناديه صابر. ماتودعنيش
بقلم ناديه صابر

ماتودعنيش!!!
سيب سلامك بين ايديا في وحدتي يتذكرك
سيب كلامك يونس ليلى لما اشتاق اسمعك
سيب خيالك جوا عيني، جوا مني لما اتمنى المسك
سيب دموعي تسبق حنيني طول ليلى تندهك
ماتودعنيش!!!
يمكن في ليل سارح كحيل تنوره ببسمتك
وتشوف عيوني جارحه الليالي بالدمعات تندهك
عارف انت الحب كله
عارف انت العمر كله
عارف انت ٠٠٠٠ روحي فيك
تبقى جانبي واشتاق إليك
عارف انت ٠٠٠انك نهاري
عارف انت ٠٠٠ انك دياري
عارف انت ٠٠ اني بحبك
ماتودعنيش!!!
سيبني اسيب نفسي معاك
سيبني اسيب روحي َوراك
سيبني اسيبني سايبه نفسي
جوا منك ٠٠٠ رغم البعاد
سيبني ارجع لكل لحظه
عشتها يوم في الوداد
سيبني اعيش معاك في ذكرى
يعيشها قلبي في البعاد
ايامي بيك كانت ابتدت
وسنين حياتي اتجددت
ومعاك ورودي اتفتحت
قولت ايه!!!!!
ناوي تمشي ٠٠٠ ناوي ترحل
امشي بسلام ٠٠٠ امشي في امان
وانا من حياتك هرحل كمان
وارمي قلبي في حضن النسيان
يمكن انسى اني عشقتك
يمكن انسى اني قابلتك
يمكن انسى ٠٠٠٠٠
اني لسه ٠٠٠
لسه روحي بتتحسس ملامحك
لسه بحبك ٠٠٠٠ ولو بعدت الف مره!!
لسه بحبك
هستناك!!!
واروي جفاف الليل بدمعي مهما اعيش
واحضن روحك بين ضلوعي ماتفارقنيش
واعيش لحبك دا بعد قلبك تاني ماليش
لو هاتمشي!!
امشي وسيبني من غير كلام
من غير دموع ٠٠٠ من غير سلام
وسيب مكانك جوا مني ٠٠٠٠
ماتودعنيش

أحدث أقدم

إعلان أدسنس أول الموضوع

إعلان أدسنس أخر الموضوع