ويوم الزّحف ع السُّـلطه ..بقلم بدرى عطالله


ويوم الزّحف ع السُّـلطه ..بقلم بدرى عطالله
ويوم الضّـرب في الشرطه…
ويوم تقسيمة الخّـرطة …
ظهر م المشهد المعدوم
جدع نوبي وكان مرسوم ….
وكان الشعب ده في يومها …
شتـات مقسوم…

ودار المشهـد المزحوم بالعُمَـلا ..
وبالتخريب وبالمعازيم …
وبالتقريب وبالتقسيم….
وسال الدّم نهر جديد ….
بيروي كل شئ اخضَـر …
ولمّـا يزيد هناك تهديد …
كان بيزيد هدوء أكتَــر …

مفيش ف اللوّحه لون تاني ..
مصر جريحة بتعاني..
وناس والقلب عِمياني…
وده قلبو عـبور اكبَـر….
مفيش ع الشّـط أي نجاه …
مفيش ع البّـر اي حياه…
يوم وهتدخُـل الغاليه…
ليالي طوال ومن غير نور…
مين يطلع غبي وخسران ؟
ومين يطلع بطل منصور ؟

والعالم بيحسب ثروتو الجّايه…
وبيتابع سقوط دولتنا ف الميه…
ظهر وبروح كتيبة اكتوبر الحُـرّه…
وصرخ من جوّه علي بره …
مصر عصيّـه اوي ومُـرّه …

دي مقبرة الغُـزاه والشوم…
ومقبرة المغول والروم…
وباقيه مصرنا الدُّرّه….

كشف كل اللي كان مستور…
هّـدم كل اللي كان له سور…
وظهـر النور…
 
وساب النسر علمهَا اليوم ..
علي ذكري العبور يَحيَـا  …
مات لكن ايديه كُـرمَا …
في كل نجوع او ناحيه …
رحل ممكن وساب فينا…
قلوب بالحُـب ليه صاحيه ..
وآمنَـه بأن مهما نمـوت …
مصر الباقيه والمَـاحيَـه …..

كتبت اليوم ف رحيل من صان العرض والارض
وزير الدفاع الاسبق المشير / محمد حسين طنطاوي
••بدر ي    العمرود        ( العسكري )•••
أحدث أقدم

إعلان أدسنس أول الموضوع

إعلان أدسنس أخر الموضوع