مطبلاتيه وابطال ورق*************بقلمي/ السيد عطاالله


مطبلاتيه وابطال ورق
*************
بقلمي/ السيد عطاالله

عالمنا عالم ورق و كارتون

كل خدمه لازم فاتوره وبون

حتى المحبه بفلوس ولها عربون

بقت سلعه عرض وطلب و زبون

يا شعب غلبان وقالوا عنه فرعون
_________
حياته مليانه أبطال من ورق

و منتفعين على موائد لحم ومرق

جندوا روحهم زي شمعه تحترق

يدافعون عن بطل بجهد وعرق

سبوبه لمنتفع في ديونه غرق
__________
يقول الباشا راح

مياتم     وافراح

الدنيا وسع و براح

الكذب أهو فاح 

هم ياريت يتزاح
_________
يا عم يا مطبلاتي

قانونجي ولا الاتي

عمال وبطال تهاتي

بقصه للباشا يوماتي

قرفتني في حياتي
________
كفايه كده نفاق

اهتموا بالأرزاق

لو تروحوا بولاق

برضه كذبكم حراق

ما عندكم بمليم أخلاق
_________
الدنيا يا ولاد جرى إيه فيها

النفاق ليه مسيطر عليها

من غير الباشا إيه يحليها

دنيا والنفاق ملعون فيها

ربك يجيب عاليها واطيها
__________
ربنا يحاسب على النيه

صلوا على خير البريه

المنافق خيبته قويه

لو رجله جات بالخيه

يغور ياما ورانا أذيه
أحدث أقدم

إعلان أدسنس أول الموضوع

إعلان أدسنس أخر الموضوع