واحشني بقلم ناديه صابر


واحشني
بقلم ناديه صابر
واحشني!!
احلف بكل الشوق اللي دوب حنيني
احلف بنار في بعدك لوعت صبري وانيني
احلف بغيرتي عليك في بعدك تشوق جنوني
احلف بحنيني ليك
احلف بحرقتي :؛ بلوعتي
بلهفتي للحظه أعيشها دايبه فيك
نفسي ارجع بالزمن
ارمي روحي فيك
اسرح بين عينيك
اضم تاني نفسي
لما الاقي تاني نفسي
وانا بين ايديك
لما تسبح عيوني في ضي نظرتك
وأما تتنفس مسامعي حراره همستك
وأما روحي ترد فيا من حلاوه لمستك
وتضمني ٠٠ وتحسني ٠٠ وتشدني بلهفتك
والاقيني تاني تهت من نفسي جوا نفسي
هايمه بيك ٠٠ ودايبه فيك
وروحي عايشه جوا منك
واحشني ٠٠٠
نفسي ارجع تاني احسك
نفسي ارجع تاني اضمك
نفسي ارجع تاني اقولك
اني كنت وهاعيش احبك
فين حنانك؟ ٠٠ فين لقاك
فين امان الليل معاك
فين عبير الورد في سلامك
فين لهيب الشوق في غرامك
فين عمري اللي لاقيته بهواك
فين قلبي اللي تركته معاك
واحشني ٠٠٠
لسه حبي ليك بيصرخ جوا مني
لسه ضمه ايديك بتتنفس في حضني
لسه شايفه بين عينيك دقه فلبي
لسه عايشه بهمستك
لسه دايبه في لمستك
لسه بتنفس هواك
لسه بتمنى رضاك
لسه بتلوع لقاك
لسه بستناك تجيني
تلمس بشوقك حنيني
وتسمع صرخه نبض قلبي
بترتجف تاني بين ايديك
وتسمعك شوقي إليك
علشان يقولك ضي عيني
ع الحنين اللي ماليني
ياللي دايما جوا مني
حتى وانت جانبي واحشني
واحشني

ناديه صابر
أحدث أقدم

إعلان أدسنس أول الموضوع

إعلان أدسنس أخر الموضوع