جيران الهنا*********بقلمي/ السيد عطاالله


جيران الهنا
*********
بقلمي/ السيد عطاالله

لما يكون عندك جاره
وكالة أنباء عن جداره
حابه ترفع كل ستاره
ادعي معايا يارب تغور

عاوزه تعرف كل حاجه
حكاية ديك مع دجاجه
إللي طلق من بعد زواجه
و خناقة سوسن ويا نور

ما شالله عليها كاميرا تصوير
شايفه و مراقبه الست عبير
كمان تعرف إيه عملت سهير
من ساعة الفطار حتي السحور

تقول الأخبار من غير ما تسألها
ما ترحم بالنميمه عمها و خالها
عقبال عندكم رشا عريس جالها
نسيت أقولكم وليد زرع البذور

عبده هرب من المدرسه امبارح
وشفت محروس اليوم سارح
للعاصمه من بدري والله فالح
لما رجع تخانق مع زوجته بدور

خالد اشترى عربيه
صبح امبارح عليه
عمل حادثه يا عنيه
خايفه يتشائم مني منصور

ليل نهار  باستمرار في الشارع
فلان راح شغله كلمته مش سامع
ما تقوم لما سمعت مؤذن الجامع
قاعده تفرز فشر عسكري المرور
أحدث أقدم

إعلان أدسنس أول الموضوع

إعلان أدسنس أخر الموضوع