أرفض حبكبقلم ناديه صابر


أرفض حبك
بقلم ناديه صابر
اسفه!
أرفض اكون كلمه في سطرك
او نقطه تنهي بيها جملك
اسفه!
أرفض اكون مجرد موجه
عدت وذابت وسط بحرك
أرفض اكون في الشجره غصن
او في حياتك بس ركن
او طيف خفيف مر في حلمك
انا لو سكنت جوا منك
لازم ابقى عايشه فيك
ابقى سكنك ابقى ضلك
وابقى نفسك بين جوارحك
مالكه احاسيسك وقلبك
ترمي روحك بين عيوني
اطوي شجنك بين جفوني
لو سكنت بين ملامحي
وارتوي قلبك بحضني
هاملي كل ركن فيك
ابقى للظلمه شموعك
يبقى سكني بين ضلوعك
شمسي حلمك اللي صاحي
يحيى ليلك بين دموعك
لو سكنتك هتناديني
بالليالي وتناجيني
تقضي طول ليلك تصحى
القمر ينعس بجفني
وطيفي يضوي لياليك
لو سكنتك لازم ابقى حته منك
حبي ليك يملي عينيك
وتبقى سندي اللي باقيلي
تحرس الفرحه في عيني
تمسح بحبك سنين انيني
لكن ابقى جزء في حياتك
حاجه ضمن مهملاتك
. ترجعلها لو فاضي بالك
تصحى تدور بين مشاعرك
وتيجي تحلفلي بحبك
وفي لحظه ادور بين عيونك
عني مالاقي غير رفات
اصلك نسيت كل اللي فات
وتغرق في دوامه حياتك
علشان عيوني تنقذك
واصدقك وارمي الشبك
القى الأمواج بتعزفك
أرفض اكون شعاع في دربك
او مجرد بس حرف
تكتبه من غير نقط
ويتوه حزين بين الجمل
ويدور بين الايام مشتاق للأمل
ويشوف سراب عينيك
يبكي الألم ويناديك
يرميه ويدحرجه طيفك
لأنك مجرد سراب
اعيش انا لطيفك!!!
لا، لا
لو كنت ساكنه فيك
ماكنت اهون عليك
ولا ترضى تنساني
بس انت طيف زايل
بتقضي حبك جمايل
وتدور بين الازهار
تروى عطشك قطرات
من الندا الزايل
وتنسى المطر بالساعات
وتعشق ورق ذابل
أرفض اكون الربيع
لعود هزيل مايل
انا زهره عودها قوي
مهما الغبار هزني
ماميل ولا انحني
ولا ينكفي عودي
يطوف بعودي الهوا
ولا تنجرح ورودي
ارفض اكون بستان
لارض ماتتصان
ويسمها حبك
علشان اعيش بأمان
ماسمع غني قلبك
اسفه ! بكل يقين
أرفض انا حبك
ناديه صابر
أحدث أقدم

إعلان أدسنس أول الموضوع

إعلان أدسنس أخر الموضوع