تحياتي وتقديري لحضراتكم و لكل أسرة أبنائها، وضحّت لتصنع منهم نموذجًا جريده اهرامات الشرق المصريه



تحياتي وتقديري لحضراتكم و لكل أسرة ومسؤولي( جريدة اهرامات الشرق المصريه) الراقيه المتميزة دام التميز والابداع والنشر وايضا كل تحيه إعزاز وتقدير لكل أم   بذلت الغالي والنفيس من أجل تربية أبنائها، وضحّت لتصنع منهم نموذجًا نافعًا لوطنه يتحلّى بالقيم والأخلاق والانتماء.أصعبُ حنين و اشتياقٍ هو أن تشتاقَ لمَنْ لَنْ يُعَوِّضَ غيابُهُ أحَدْ.! أمي .

أمي
؛؛؛؛؛؛؛
أمي بحبك حب مش عادي 
يا أمي عليكي بنادي
يا أعز حبيبه 
 يا روحي وكياني
بركه حياتي
أجمل وأرق كلمه  محفورة
 في عقلي وجداني.
سندي  واحن صديقه  في همي و فرحي
 يرشدني ويرعاني
محبه تضحيه اخلاص وتفاني
واحشتنا لمتها حوالينا
ياجمال ضحكتها الصافيه
اي فرحه من غيرها مش كافيه.
لما ابقي زعلان مهموم 
مين غيرها يشيل الهموم
 في مشاكلي بتاخد معي وتتدي وبتدعي
 لغايه لما الموج يهدي.
طول عمرها 
حامدة ربها وراضيه بقليلها.
وانا ماقدرش اعيش من غيرها.
 بفتخر بيها في حكاياتي
دنيتي و نور حياتي
 روحك ساكنه قلبي مكان ماتروحي
 دايما بتسال عليا  انت عامل ابني حبيبي الغالي
 بحس معها بالامان وبالمحبه والاطمنان
 حياتك حياتي طوق النجاة
 وجودك يديني روح وحياة
 علي ايدك اتعلمت المحبه والصلاة والصوم
 ولوكسرتني الحياة يوم
 وحاصرني اليائس وبقي امر محسوم
ولو الكل سابني وجاب عليا اللوم
امي كانت الامل والسند 
كانت تواسيني وتقولي  ميهمكش المشكله هتعدي مش هتدوم
ماتياسي  قوم ماتضقيش زعلك مالوش لزوم بابتسامه ومحبه تشيل اي هموم
مين هيعوضني غيرك
دة انا كنت عايش في خيرك
هتكلم عن مين غيرك واحشتني
انا من غيرك في غم وهم مايتلم
 الحزن محاصرني والفرح مخاصمني والحنين ليكي معذبني
 قلبي يبكي بيقولي فين ايامها حنيتها ضكتها لمتها حوالينا وسهرها ايام تداوي اوجعانا
 واحشتني  صوتك وحنيتك ومحبتك  لمسه ايدك نظره عينيك
مين غيرك يصبرني ويعذيني
 واحشتني واحشتني
 امي اماني اطماني سندي وضماني
 مين غيرك احكيله اشكيله يا احن حبيه
 يا اطيب وارق صديقه
 مفيش حد في طبيها وصبرها
 حتي الاة مكنتش بتقولها
كل حاجه عشاني عملتها
 وايه اللي فاضل بعدكي
 فراقك كسرني . بعدك قهرني
 واحشتني
 نفسي لومرة ترجعي وتضميني
 واحشتني 
 انتي شمسي وظلي بعدك مين فاضلي 
كل حاجه روحي يومي وامسي
 واحشتني
ليه تمشي وتسبيني..

       شاعر وناقد فنى   د. وجيه جرجس


أحدث أقدم

إعلان أدسنس أول الموضوع

إعلان أدسنس أخر الموضوع