عشق القمربقلم ناديه صابر

عشق القمر
بقلم ناديه صابر
وانا ماشيه بين ضي القمر
سارحه في ملامحه وطال السهر
جرحت عيوني طلته
و ضوى الليالى بضحكته
وعيونه سرقت نور النهار
ورمى بقلبي جوا نار
سكنت ملامحي ببسمته
قمر الليالى في القلب عالي
عايش في قلبي وجوا بالي
جه عند بتنا وبصلي
وحضن ايديا وضمني
وبقبله الشوق هزني
وقاللي يا حلوه اطلبي
انا قلت للافراح تعالي
صحي الليالى ولالي لالي
وطاوعت قلبي ورحت مني
وسافرت ويا النجوم نغني
و غرقت في بحر عينيه لاقتني
ملكني كلي غصب عني
هجر القمر عرش الليالى
علشان يعشش جوه مني
وسكن فؤادي وروحي وخيالي
ورسيت شباكه جوا قلبي
قمر الليالى حبيبي جاني
وبقي مكانه في مهجتي
علشان ينور ضحكتي
قمر الليالى ضمني
وفتح باب السما وناداني
ضلل على وشدني
ملى حنانه وصبلي
وهنيت بهني من حبني
وخفت افتح عينيا تاني
لا يتوه جماله ويصدني
مش قادره أصدق فرحتي
مش قادره أصدق دنيتي
قمر الليالى مالك كياني
مالك فؤادي وطال ودادي
بعد السنين بيحبني
قمري حبيبي حبني
قمر الليالى بيحبني
قمر الليالى حبني

ناديه صابر

أحدث أقدم

إعلان أدسنس أول الموضوع

إعلان أدسنس أخر الموضوع