نفسى فـ ٢٠٢١ .
- مخسرش حد من اهلى لحد اخر لحظة فـ عداد الوقت والسنين
- نفسى فـ فرحة تنسينا كُل الكركبة والدوشة الـ حصلت جوانا
- نفسى الـ مقدرناش نحققة وخسرنا ربنا يعوضنا عنهُ اضعاف اضعافهُ
- نفسى فـ فرحة تخلى الروح فيها روح وملامحنا بتضحك مش بهتانهً
- نفسى نلاقى ناس متتغيرش ويفضلو فـ عنينا زى اول مرة عرفناهم
- نفسى الصحاب يفضلوا صُحاب وقت الشدة وما يطلعوش زمايل
- نفسى اطمن على الناس الـ وحشونا وهما تحت التراب ولو بحلم بسيط
- نفسى اشوف ناس مش بتلعب بالمشاعر ولا بتهرج فـ قلوب الناس
- نفسى البنت الـ تشرب قهوة تشربها عشان بتحبها متكونش هربانة من الوجع
- نفسى اشوف ناس بتحب الحب لو اتحبت وتقدر وتصون الـ معاها
- نفسى الغلطان يبطل ياكبر ويعترف بغلطة ويعرف ان الاعتذار قوة مش ضعف
- غلطان + اسف = انك متربى وابن ناس مش ضعيف ولا مكسور
- نفسى الناس تبطل تنسى ناس بغيرها ويدفعوهم التمن من غير ذنب
- نفسى البنت تتشاف بنت مش شهوة وتحس بالامان وانها شئ يحترم
- نفسى الراجل يكون راجل فـ كل كلامة ووعوده مش راجل بس فـ نوعهُ
- نفسى الراجل الـ يحب يلاقى بنت الناس الـ تصونهً وتفضل جنبه لـ اخر العمر
- نفسى نبطل ننتقد بعض النقد الهدام والاسلوب السيئ
- نفسى اللى عايز يفَرح حد او يسعدهُ يكون بيعمل دة من قلبه عشان ربنا يفرحهُ
- نفسى الـ يحب حد يفتكر اول صورة حبه بيها وما يطلبش منهُ يتغير غصب عنه
- نفسى نلتمس لبعض الاعذار وقت المحنة والشدة عشان تبان العشرة والموده بينا
- نفسى الـ يحب بنت ويعلقها بيه يتبت فيها ويقويها مش يضعفها ولايكسرها
- نفسى نتحمل بعض وقبل ما نزعل نحط نفسنا فـ اسواء الظروف والاحتمالات
- نفسى نتأكد ان ربنا بيعوض اضعاف اضعاف الـ راح منا وخسرناه
- نفسى نرتاح نفسياً ونحس بالامان عشان نور قلبنا يخبى ملامح الوش
- نفسي كل البعيد عن العين يقرب . وكل قلب حزين يفرح وكل دعوة تتحقق
- نفسى كل واحد عايش قصة حب ربنا يكملها معاها بالفرح
- نفسى كل طالب علم او سفر ربنا يريح قلب من كتر الشئ المنتظر
٢٠٢٠ مهما كنتى راضى بالـ ربنا جابهُ فيكى بس يارب متورناش الوحش فيها تانى
- اسفة ع الطلبات الكتير . بس فـ الحقيقة مفيش كتير على ربنا يكتر.